جنگشاهي(ن سنڌيار)سنڌي ادبي سنگت شاخ جنگشاهي جي گڏجاڻي شنڪر لال لونچواڻي جي صدارت ھيٺ ٿي گذري. گڏجاڻي ۾ سنڌي ادبي سنگت شاخ جنگشاهي جي سابق سيڪريٽري مرحوم گلزار علي (تسليم) پليجو کي ڀيٽا پيش ڪئي وئي. تفصيل موجب تاريخي شهر جنگشاهي ۾ سنڌي ادبي سنگت شاخ جنگشاهي جي گڏجاڻي شنڪر لال لونچواڻي جي صدارت ھيٺ ٿي گذري، گڏجاڻي ۾ نامياري تعليمدان پروفيسر حبيب الله پليجو، سائين قدرت الله پليجو، محمد جمن جوکيو، محمد انور (ساگر)، ظھير احمد پليجو ۽ عبدالقادر شيخ شرڪت ڪئي، گڏجاڻي ۾ سنڌي ادبي سنگت شاخ جنگشاهي جي سابق سيڪريٽري مرحوم گلزار علي (تسليم) پليجو کي ڀيٽا پيش ڪئي وئي، ناليواري شاعرن سائين قدرت الله (ڪيف) پليجو ۽ محمد انور (ساگر) پاران شاعري پيش ڪئي وئي، جنھن تي ٽيڪا ٽپڻي ۽ واکاڻ ڪئي وئي، فيصلو ڪيو ويو تہ ايندڙ گڏجاڻي ۾ يونٽ سيڪريٽري جنگشاهي پاران ضلعي تنظيم کان ميمبر شب فارم وصول ڪيا ويندا تہ جيئن سنڌي ادبي سنگت شاخ جنگشاهي جي ميمبر شپ وڌائي سگھجي، گڏجاڻي ۾ شاعر محمد انور (ساگر) کي سنڌي ادبي سنگت شاخ جنگشاهي جو ميمبر چونڊيو ويو، گڏجاڻي جي اختتام تي فيصلو ڪيو ويو تہ ايندڙ گڏجاڻي عيد الفطر کانپوءِ ڪئي ويندي.
