راولپنڊي (ويب ڊيسڪ)اڳوڻي گهرو وزير شيخ رشيد جو چوڻ آهي ته سنڌو پاڻي معاهدي کي معطل ڪرڻ ڀارت جي پاڻي دهشتگردي آهي، هڪ بيان ۾ شيخ رشيد چيو ته ڀارت هڪ طرفي طور تي معاهدي کي معطل نٿو ڪري سگهي.هن چيو آهي ته ڪشمير ۾ ٿيندڙ ظلم کي نظرانداز نٿو ڪري سگهجي.اڳوڻي وفاقي وزير وڌيڪ چيو ته پاڪستاني قوم چڱي طرح ڄاڻي ٿي ته پاڪستان جي زمين جي هر انچ جي حفاظت ڪيئن ڪجي، ۽ جڏهن وقت ايندو ته اهي ڀارت کي ڀرپور جواب ڏيندا.ياد رهي ته ڀارت پاڪستان خلاف پاڻي جي جارحيت جو ارتکاب ڪندي سنڌو پاڻي معاهدي کي فوري طور تي معطل ڪرڻ جو اعلان ڪيو آهي.
