ڪراچي (اسٽاف رپورٽر)سنڌ ۾ هن سال 110 ماڻهن کي ڪاروڪاري قرار ڏئي قتل ڪيو ويو، جن ۾ 82 عورتون به شامل آهن.لاڙڪاڻي رينج ۾ ڪاروڪاري قرار ڏئي قتل ڪيل ماڻهن جو سڀ کان وڌيڪ انگ 48 آهي، جن ۾ 35 عورتون ۽ 13 مرد شامل آهن.سکر رينج ۾ 20 عورتن سميت 28 ماڻهو، شهيد بينظير آباد رينج ۾ 15 عورتن سميت 17 ماڻهو، ميرپور خاص رينج ۾ 2 عورتون، حيدرآباد رينج ۾ 8 عورتن سميت 12 ماڻهو، جڏهن ته ڪراچي ۾ 2 عورتن سميت 3 ماڻهو، ڪاروڪاري قرار ڏئي قتل ڪيا ويا.اهو ياد رکڻ گهرجي ته سال 2024 ۾ 15 جولاءِ تائين سڄي سنڌ ۾ 65 عورتن سميت 80 ماڻهو مارجي ويا.
