ڪراچي (اسٽاف رپورٽر) وزير تعليم سنڌ سعيد غني صوبي اندر ڪاليجن ۾ صبح جي ساڍي 8 وڳي اسيمبلي لازمي قرار ڏيڻ جا حڪم جاري ڪيا آهن. وزير تعليم پنهنجي بيان ۾ چيو آهي ته صوبي جي سڀني ڪاليجن جي شاگردن کي پابند بڻايو وڃي ۽ سڀني ڪاليجن جو اسٽاف وقت جي پابندي ڪري. تعليم جي وزير جي حڪم تي سيڪريٽري ڪاليج ايجوڪيشن نوٽيفڪيشن به جاري ڪري ڇڏيو آهي. واضح رهي ته سنڌ حڪومت تازو سعيد غني جو قلمدان تبديل ڪيو آهي ۽ ان کي وزارت اطلاع جي جاءِ تي وزير تعليم جو قلمدان ڏنو آهي.
