بيجنگ(ويب ديسڪ) چين ۾ نئين ماڊل جي ٺاهيل گاڏين جي نمائش منعقد ٿي. آٽو نمائش جي نالي هن ميلي ۾ اڏامڻ واري ڪار سڀني جي ڌيان جو مرڪز بڻيل رهي. چين ۾ دنيا جي اڪثر وڏين آٽو ڪمپنين جي فرينچائيز آهن ۽ هو قسم جون گاڏيون ٺاهي رهيو آهي. آٽو شو ۾ اليڪٽرڪ ڪار يعني بيٽري تي هلڻ واريون گاڏيون به شامل هيون. دنيا ۾ تيزي سان تيل هلڻ بدران بيٽري تي گاڏيون هلائڻ جو مقابلو هلي پيو ۽ چين به ان ڊوڙ ۾ ڪنهن کان پوئتي ناهي.
