اسلام آباد(بيورو رپورٽ)پاڪستان تحريڪ انصاف جي چيئرمين عمران خان توهين عدالت ڪيس ۾ سڪيورٽي ادارن جي رپورٽ کي غلط قرار ڏيندي 25 مئي جي ڌرڻي بابت ڪارروائي ختم ڪرڻ جو حڪم ڏئي ڇڏيو آهي.عمران خان جي وڪيل سلمان اڪرم راجا پاران 23 صفحن تي ٻڌل جواب سپريم ڪورٽ ۾ جمع ڪرايو ويو.عمران خان طرفان سپريم ڪورٽ ۾ جمع ڪرايل جواب ۾ چيو ويو آهي ته هن ڄاڻي واڻي سپريم ڪورٽ جي حڪم جي ڀڃڪڙي ناهي ڪئي، مان يقين ڏيان ٿو ته مون کي 25 مئي جي شام واري عدالتي حڪم جي خبر ناهي ڏني وئي.پنهنجي جواب ۾ هن چيو ته سپريم ڪورٽ پنهنجي حڪم ۾ بابر اعواڻ کي مون سان ملڻ لاءِ به چيو، عدالتي حڪم باوجود بابر اعواڻ کي مون سان ملڻ جي ڪا به سهولت فراهم ناهي ڪئي.پنهنجي جواب ۾ تحريڪ انصاف جي چيئرمين چيو ته 25 مئي تي 6:45 تي سياسي ڪارڪنن جي اطلاع تي ڪارڪنن کي وڊيو پيغام جاري ڪيو ويو، احتجاج دوران جيمرز لڳڻ سبب فون تي رابطو نه ٿي سگهيو، افسوس آهي. اهو قدم اڻڄاڻائي ۾ کنيو ويو آهي.جنهن جي جواب ۾ عمران خان سڪيورٽي ادارن جي رپورٽن کي غلط قرار ڏيندي چيو ته 25 مئي تي ڊي چوڪ تي ڌرڻو هڻڻ جو سڏ حڪومتي رويي خلاف پرامن احتجاج لاءِ هو، مون کي شامل ٿيڻ لاءِ نه چيو ويو هو، هاڻي ٻڌايو پيو وڃي ته اسد عمر عمر کي جي نائن گرائونڊ بابت هدايتون ڏنيون.پاڪستان تحريڪ انصاف جي چيئرمين عمران خان جي وڪيل سپريم ڪورٽ ۾ جواب جمع ڪرائي ڇڏيو ۽ توهين عدالت جي ڪارروائي ختم ڪرڻ جي درخواست ڪئي.
