ڪراچي(اسٽاف رپورٽر)پاڪستان ۾ جرمني جي سفير الفريڊ گرنيس جي پ پ اڳواڻ بي بي بي آصفه ڀٽو زرداري سان ملاقات بلاول هائوس ڪراچي ۾ ڪئي ملاقات ۾ پاڪستان ۾ پوليو خلاف مهم ۽ ان سلسلي ۾ جرمني جي تعاون سميت گڏيل دلچسپي جي معاملن تي خيالن جي ڏي وٺ ڪئي وئي.آصفه ڀٽو زرداري ٻوڏ متاثرن لاءِ جرمن حڪومت ۽ عوام جي تعاون کي ساراهيو،آصفه ڀٽو زرداري جرمني پاران پاڪستان جي غيرمعمولي برساتن ۽ تباهي واري ٻوڏ کان متاثر ماڻهن جي مدد ڪرڻ تي جي ساراهه ڪئي، خاص طور تي سنڌ صوبي ۾ جي جي مدد ڪرڻ تي شڪريو ادا ڪريو، آصفه ڀٽو زرداري چيو ته جرمني هميشه پاڪستان جي حمايت ڪئي آهي، گڏيل معاشي مفادن لاءِ ٻنهي ملڪن وچ ۾ دوستاڻا لاڳاپا وڌيڪ وڌائڻ گهرجن ،ملاقات ۾ گرين انرجي ۾ پاڪستان جي صلاحيت ۽ ملڪ جي توانائي پورٽ فوليو کي وڌائڻ جي اهميت تي خيالن جي ڏي وٺ ڪئي وئي.انساني وسيلن جي ترقي جي اهميت ۽ ZABTech سميت سڄي پاڪستان ۾ ووڪيشنل ٽريننگ پروگرامن لاءِ جرمني جي سهڪار تي پڻ خيالن جي ڏي وٺ ڪئي وئي.جرمني جي قونصل جنرل ڊاڪٽر روئي ڊيگر لوٽين ۽ فرسٽ سيڪريٽري ڪرسچن بوئچر پڻ جرمن سفير سان گڏ هئا. ان موقعي تي سنڌ جي صحت واري وزير ڊاڪٽر عذرا پيچوهو ۽ سنڌ جي وڏي وزير جو قانون وارو صلاحڪار ۽ سنڌ حڪومت جو ترجمان مرتضيٰ وهاب پڻ موجود هئا.
