ڪراچي(ويب ڊيسڪ)ڇا توهان يقين ڪندا ته دنيا ۾ ڪو اهڙو ملڪ آهي جتي سڀني ماڻهن جي عمر هڪ رات کان ٻه سال گهٽجي وئي آهي؟ ها واقعي، ڏکڻ ڪوريا هڪ قانون پاس ڪيو آهي بين الاقوامي معيار کي اپنائڻ لاءِ عمر جي ڳڻپ جي روايتي طريقي کي ختم ڪرڻ جو اعلان ڪندي. هن قانون جي منظور ٿيڻ سان، سرڪاري دستاويزن تي ڏکڻ ڪوريا جي شهرين جي عمر هڪ کان ٻه سال گهٽجي ويندي. ڏکڻ ڪوريا ۾، ٻار جي ڄمڻ تي هڪ سال جي عمر سمجهي ويندي آهي ۽ پهرين جنوري تي عمر ۾ هڪ سال وڌيڪ شامل ڪيو ويندو آهي. ان کان علاوه ڏکڻ ڪوريا ۾ قانوني مقصدن لاءِ عمر جو هڪ الڳ نظام پڻ موجود آهي، جنهن تحت ڄمڻ وقت عمر هڪ ڏينهن آهي پر هر سال پهرين جنوري تي عمر ۾ هڪ سال جو اضافو ڪيو ويندو آهي. 1960ع واري ڏهاڪي کان وٺي، ڏکڻ ڪوريا ۾ ميڊيڪل رڪارڊ عمر جي ڳڻپ لاءِ بين الاقوامي معيار کي مدنظر رکيا آهن، يعني ڄمڻ تي هڪ ڏينهن شامل ڪرڻ ۽ پوءِ سالگرهه ۾ هڪ سال شامل ڪرڻ. پر هاڻي سمورو نظام جون 2023ع کان مرحليوار ختم ڪيو پيو وڃي. گهٽ ۾ گهٽ سرڪاري دستاويزن ۾ هن قانون تحت عمر رکڻ جو عالمي معيار اختيار ڪيو ويندو.
