بدين (ن س) ڊپٽي ڪمشنر بدين آغا شاھنواز خان ضلعي بدين جي ھر ننڍي وڏي شھر ۽ يونين ڪائونسل ۾ مڇر مار اسپري (فيموگيشن) ڪري روزانه جي بنياد تي رپورٽ طلب ڪري ورتي اھڙيون ھدايتون ھن ضلعي بدين جي سمورن ميونسپل, ٽائون آفيسرن ۽ يونين ايڊمنسٽريٽر سان دربار ھال ۾ گڏجاڻي ڪندي ڏنيون ھن چيو ته مڇر مار اسپري سان گڏوگڏ ڪتا مار مھم پڻ جاري رکي وڃي. ھن شھر ۾ خراب اسٽريٽ لائٽن جو پڻ نوٽيس وٺندي اسٽريٽ لائٽن جي مرمت ۽ نيون اسٽريٽ لائٽون لڳائڻ لاء پڻ ھدايتون ڏنيون ھن شھيد فاضل راھو ۽ ماتلي لائبريري ۾ گھربل ڪتاب خريد ڪرڻ لاء پڻ ھدايتون ڏيندي چيو ته تعليم نوجوان نسل جي ترقي جو ضامن آهي ۽ لائبريري جديد تعليم حاصل ڪرڻ جو اھم ذريعو آهن لائبريرين کي گهربل سب سھولتون مھيا ڪيون وينديون ھن وڌيڪ چيو ته شھر جي صفائي سٿرائي سان گڏوگڏ ميونسپل ۽ ٽائون آفيسر پنهنجي آفيسن کي پڻ صاف سٿرو رکن ھن وڌيڪ چيو ته ميونسپل, ٽائون ڪميٽيون ۽ يونين ڪائونسل ايڊمنسٽريٽر پنهنجي ذمي مقرر ڪيل ڪمن کي ايمانداري سان نڀائن ته شھر ۾ گهڻي ڀاڱي سدارو اچي ويندو ھن چيو ته انهيَ سموري ڪم جي نگراني لاء واٽس اپ گروپ ٺاھي انهيَ جي ھو پاڻ روزانا جي بنياد تي نگراني ڪندو ۽ انهيَ سلسلي ۾ ڪنهن به قسم جي سستي يا ڪوتاھي ھرگز برداشت نه ڪئي ويندي گڏجاڻي ۾ ضلعي جا سمورا ميونسپل آفيسر, ٽائون آفيسر, يونين ڪائونسل ايڊمنسٽريٽر ۽ لاڳاپيل کاتن جا آفيسر پڻ موجود ھئا
