اسلام آباد (بيورو رپورٽ)پرڏيهي وزير بلاول ڀٽو زرداري جو چوڻ آهي ته ڊونلڊ لوءَ سان ملاقات ۾ سيفر يا مبينا خطري تي ڳالهه ٻولهه نه ڪئي وئي.پرڏيهي وزير بلاول ڀٽو چيو ته آمريڪي پرڏيهي وزير بلينڪن شپ سان منهنجي ملاقات دوران ڊونلڊ لوئي به موجود هو.بلاول ڀٽو زرداري چيو ته بلينڪن سان ڳالهين جو مرڪز ٻوڏ سبب ٿيل تباهي آهي.هن چيو ته پرڏيهي سازش جي ڳالهه ڪندڙ آمريڪن سان چونڊن جي ڳالهه ڪرڻ افسوسناڪ آهي.بلاول ڀٽو چيو ته خان صاحب جي ڪوشش آهي ته امپائر جي آڱر زبردستي اٿاري، عمران جي امپائر جي آڱر کڻڻ جي ڪوشش ناڪام ٿيندي.هن چيو ته عدالت کي فيصلو ڪرڻو آهي ته عمران سان ڪيترو وقت لاڏلي جهڙو سلوڪ ڪيو ويندو.
