ڪنڌڪوٽ(غالب بلوچ) 25 ڏينھن گذرڻ باوجود ساوندبراري جا اغواٿيل ٻه نوجوان معشوق علي۽ شھاب الدين جي بازياب نه ٿيڻ خلاف ساوندبرادري جي سوين ماڻھن مقدم جھانگيرساوند جي اڳواڻي ۾ روڊن تي نڪري آيا ۽ پوليس خلاف سخت نعريبازي ڪندي مغوين جي بازيابي ،امن امان بحال ڪرڻ ۽ ڪرپٽ پوليس آفيسرن کي فوري ھٽائڻ جومطالبوڪندي ڪوھ نورفلورمل سامھون نيشنل ھائي وي تي ٽائرساڙي روڊ بلاڪ ڪري ڌرڻوھنيو. ڌرڻي سبب سنڌ پنجاب ۽ بلوچستان ڏانھن ايندڙ ويندڙ مسافر ڪوچن سميت سوين گاڏيون بيھجي ويون جنھن سبب مسافر گرمي ۾ تڙپندارھيا ۽ احتجاجي ڌرڻو ٽي ڪلاڪ جاري رھڻ بعد ڊي.ايس.پي رحمت الله ۽ ٻين پوليس آفيسرن جي خاطري ڪرائڻ تي ختم ڪيو ويو. جڏھن ته ان موقعي تي جھانگيرساوند ٻڌايو ته پوليس ٻن ڏينھن جي مھلت گھري آھي ۽ ٻن ڏينھن اندر بازياب نه ڪرايا ويا ته ٻيھر ٽن ڏينھن لا۽ ڏينھن رات ڌرڻوھنيوويندو۔
