برمنگهم (ويب ڊيسڪ)برمنگهم ۾ جاري ڪمن ويلٿ گيمز جي پهرين ڏينهن پاڪستاني رانديگر سٺي ڪارڪردگي جو مظاهرو نه ڪري سگهيا. قومي رانديگر سوئمنگ، ڪرڪيٽ، باڪسنگ، بيڊمنٽن ۽ جمناسٽڪ ۾ ناڪام رهيا.ڪمن ويلٿ گيمز جي پهرئين ڏينهن پاڪستاني جمناسسٽ محمد افضل پهريون ڀيرو ايڪشن ۾ نظر آيو، پر هو جمناسٽڪ جي ٽنهي ايونٽس ۾ سٺي پرفارمنس نه ڏئي سگهيو، چاهي اهو فلور ايڪسرسائز ايونٽ هجي يه رِنگس هجي يا والٽ. گول،سوئمنگ ۾ پاڪستاني سوئمر حسيب طارق پنهنجي گرمي ۾ ٽاپ پوزيشن حاصل ڪئي، هن 50 ميٽر بٽر فلائي ۾ فاصلو 25.97 سيڪنڊن ۾ پورو ڪيو، پر بهتر وقت نه ملڻ سبب هو سيمي فائنل لاءِ ڪواليفائي نه ڪري سگهيو.وومين سوئمنگ ايونٽ ۾ جهان آرا، مشال ايوب ۽ بسمه خان به پنهنجي ابتدائي رائونڊ ۾ ناڪام ٿي ويون، جهان آرا 200 ميٽر فري اسٽائل ۾ ڇهين پوزيشن حاصل ڪئي جڏهن ته مشال ايوب 50 ميٽر بريسٽ اسٽروڪ ۾ 37.50 جي وقت سان ڇهين پوزيشن حاصل ڪئي.ان کان علاوه بسمه خان 100 ميٽر بٽر فلائي ۾ هڪ منٽ 6.38 سيڪنڊن ۾ فاصلو پورو ڪيو پر هوءَ ڇهين پوزيشن تي به رهي.ٻئي طرف باڪسنگ ۾ ويلٽر ويٽ ڪيٽيگري ۾ پاڪستاني باڪسر سليمان بلوچ جو ڀارتي باڪسر سيوا ٿاپا سان مقابلو ٿيو، ڀارتي باڪسر ٽي رائونڊ باڪس ۾ فتح حاصل ڪئي.بيڊمنٽن ۾ پاڪستان کي مڪسڊ ٽيم ۽ سنگلز ايونٽس ۾ ڀارت هٿان شڪست ملي.ڏينهن جي پڄاڻي تي پاڪستان وومين ٽيم بارباڊوس جو مقابلو ڪيو جنهن ۾ پاڪستان کي شڪست جو منهن ڏسڻو پيو.بارباڊوس ٽاس کٽي پهريان بيٽنگ ڪندي مقرر 20 اوورن ۾ 144 رنسون ٺاهيون، ڪپتان هيلي ميٿيوز 51 رنسون ٺاهيون، ڪيشيانائيٽ 62 رنسن جي ناقابل شڪست اننگز کيڏي.پاڪستان طرفان فاطمه ثنا 2 ۽ ڊيانا بيگ هڪ وڪيٽ ورتي.هدف جي تعاقب ۾ پاڪستاني وومين ٽيم مقرر 20 اوورن ۾ 6 وڪيٽن جي نقصان تي 129 رنسون ٺاهيون. ندا ڊار 50 رنسون ٺاهيون.پاڪستاني ٽيم پنهنجي ايندڙ ميچ آچر تي روايتي حریف ڀارت خلاف کيڏندي.
