مانسهره(م ڊ)وزير اعظم شهباز شريف چيو آهي ته آخري ڀيرو ڪي پي جي وڏي وزير کي اٽو سستو ڪرڻ جي درخواست ڪري رهيو آهيان. مانسهره ۾ جلسي کي خطاب ڪندي وزيراعظم چيو ته ڪي پي حڪومت اٽي جي گهٽتائي جو جواب ناهي ڏنو، وڏو وزير 24 ڪلاڪن ۾ جواب ڏئي، جواب نه مليو ته ڪپڙا وڪڻي اٽو سستو ڪندس، اسان کي فيصلو ڪرڻو آهي ته تعمير ڪندڙ نواز شريف آهي يا عمران خان، نواز شريف جي قيادت ۾ اسان رت جي آخري قطري تائين قوم جي خدمت ڪنداسين. وزيراعظم شهباز شريف چيو آهي ته ساڍن 3 سالن کان مهانگائي آسمان تي هلي رهي آهي، 50 لک گهر ڊهي پيا، هڪ سربه نه لڳائي وئي، اسان توهان جي حال کان آگاهه آهيون، 80 ملين ماڻهن کي ماهوار 2 هزار رپيا سبسڊي ڏني وئي آهي، تعمير ڪندڙ هي نوڪر آهي ۽ تخريبڪار عمران خان آهي، مان پنهنجي جان لڙائيندس، اوهان کي خوشحال بڻائيندس، پيٽرول جا اگهه مجبوري ۾ وڌائڻا پيا. هن چيو ته گذريل حڪومت جي فيصلن سبب پيٽروليم شين جا اگهه وڌائڻا پيا، عمران نيازي گاريون ڏنيون.وزيراعظم مانسهره لاءِ ميڊيڪل ڪاليج ۽ هڪ ارب روپين جي ترقياتي ڪمن ۽ هزاره جي علائقي لاءِ ڌار بجلي ڪمپني ٺاهڻ جو اعلان ڪيو.
