پيپلزپارٽي گلگت جي نوجوانن کي روزگار ڏيندي، بلاول

اسڪردو (پ ر) اسلام آباد کي هاڻي گلگت بلتستان جا حق ڏيڻا پوندا، ٻين صوبن جيان گلگت جي عوام کي حق ڏيارينداسين. اهڙو اظهار پ پ چيئرمين بلاول ڀٽو اسڪردو جي حسن ڪالوني ۾ پيپلز يوٿ جي آفيس جو افتتاح ڪرڻ بعد منعقد ڪيل چونڊ جلسي کي خطاب دوران ڪيو. هن چيو ته آصف زرداري گلگت بلتستان کي صوبي جو درجو ڏنو، پ پ حڪومت جي ختم ٿيڻ بعد گلگت بلتستان جي 25 هزار نوجوانن کي جيڪو روزگار مليو اهو کسيو ويو، عوام جو جذبو ڏسي لڳي ٿو ته گلگت بلتستان جي چونڊن ۾ تير کي ڪاميابي ملندي. هن عوام کي اپيل ڪئي ۽ چيو ته کيس ووٽ ڏئي ڪامياب ڪريو هو باباءِ روزگار آهي ۽ نوجوانن کي وري روزگار ڏيندو. هن چيو ته اسنجي جماعت روزگار ڏيندي آهي ۽ ٻيا کسيندا آهن.

پهنجو تبصرو موڪليو