وياج جي شرح 7 سيڪڙو برقرار رکڻ جو فيصلو

ڪراچي (اسٽاف رپورٽر) اسٽيٽ بئنڪ مانيٽري پاليسي جو اعلان ڪندي ۽ ايندڙ ٻن مهينن لاءِ پاليسي ريٽ 7 سيڪڙو رکيو ويندو. اهڙو اعلان هڪ اجلاس بعد اسٽيٽ بينڪ جي گورنر رضا باقر ڪيو. هن چيو ته جون جي مقابلي ۾ هن وقت ملڪ ۾ معاشي حالتون بهتر ٿيون آهن. مهانگائي ۾ ٿوري واڌ ٿي پر اهو انتظامي مسئلو آهي، رضا باقر موجب ڪورونا وائرس جي بچاءَ لاءِ احساس پروگرام سميت مختلف قدم کنيا ويا. ايڪسپورٽ امپورٽ ۽ پيدوار ذريعا سٺي ڪارڪردگي ڏيکاري رهيا آهن. اسٽيٽ بينڪ 580 ارب جو ڪاروباري طبقي کي پيڪيج ڏنو جيڪو جي ڊي پي جو 3.8 سيڪڙو آهي. رضا باقر چيو ته ڪورونا کان بچاءَ لاءَ وياج جي تيزي سان گهٽتائي ڪئي وئي. وياج جي شرع ۾ گهٽتائي سان ڪاروباري طبقي کي 470 رپين جو رليف ڏنو ويو. بينڪن سان گڏجي قرضن کي ري شيڊول ڪيو ويو. اسڪيم تحت 650 ارب ڪاروباري ۽ انفرادي طبقي جا قرض هڪ سال لاءِ پوئتي ڪيا ويا. هن چيو ته روزگار بچائڻ لاءِ ڪمپنيز کي پگهارون ڏيڻ جي مد ۾ 200 ارب رپيا ڏنا ويا. اسٽيٽ بينڪ جي گورنر موجب حڪومت ايس ايم ايز ملازمن جي روزگار قرض لاءِ گارنٽي ڏني ۽ انهن اپائن جو مارڪيٽ تي مثبت اثر پيو.

پهنجو تبصرو موڪليو