اسلام آباد(بيورو رپورٽ)وفاقي حڪومت 2 لک ميٽرڪ ٽن اضافي کنڊ برآمد ڪرڻ جو طريقيڪار طئي ڪري ورتو آهي. نائب وزيراعظم اسحاق ڊار جي سربراهي ۾ اسٽيئرنگ ڪميٽي جي اجلاس ۾ اهم فيصلا ڪيا ويا، جنهن تحت کنڊ جي برآمد ايل سي ايٽ سائٽ يا ايڊوانس ادائيگي جي بنياد تي ڪئي ويندي. فيصلي موجب کنڊ جي برآمد لاءِ شپمينٽ جي ڪا حتمي ڊيڊ لائن مقرر نه ڪئي ويندي، جڏهن ته ايڪسپورٽ پروسيڊز جي رپورٽنگ اسٽيٽ بئنڪ جي ضابطن موجب ڪئي ويندي.
