ڪراچي )اسٽاف رپورٽر)موسميات کاتي جي ڊي جي مهر صاحبزاد خان چيو آهي ته ايندڙ ڏينهن ۾ هڪ ٻيو مون سون سسٽم ڪراچي ۽ حيدرآباد کي گهيرو ڪري سگهي ٿو، موجوده مون سون سسٽم ڪراچي کي متاثر نه ڪندو.ڳالهه ٻولهه دوران مهر صاحبزاد خان چيو آهي ته ايندڙ ڏينهن ۾ خليج بنگال ۾ هوا جو گهٽ دٻاءُ هجڻ جو امڪان آهي، جيڪو ڪراچي کي به متاثر ڪري سگهي ٿو.مهر صاحبزاد خان موجب پنجاب، گلگت بلتستان ۽ ڪي پي ۾ تيز برسات جو امڪان آهي، برسات جو سلسلو وڌيڪ ٻن ڏينهن تائين جاري رهي سگهي ٿو.هن چيو ته گلگت ۾ بابوسر نل واري علائقي ۾ تمام گهڻو جاني نقصان ٿيو آهي، لاهور ۾ ايئرپورٽ واري علائقي ۾ صبح کان 108 ملي ميٽر مينهن پيو آهي.
