لاهور (ويب ڊيسڪ)پاڪستان پيپلز پارٽي (پي پي پي) جي چيئرمين بلاول ڀٽو زرداري چيو آهي ته ڀارت پاڪستان تي ثبوتن کان سواءِ بي بنياد الزام لڳايا آهن.عرب ميڊيا سان هڪ انٽرويو دوران بلاول ڀٽو زرداري چيو ته ڪشمير هڪ تڪراري علائقو آهي، ڪشمير مسئلو هڪ اهڙو مسئلو آهي جيڪو پاڪستان گڏيل قومن ۾ کڻي ويو.هن وڌيڪ چيو ته ڪشمير مسئلي جي حل کانسواءِ ڏکڻ ايشيا ۾ امن هڪ خواب هوندو.بلاول ڀٽو چيو ته پاڪستان پهلگام واقعي جي قابل اعتماد بين الاقوامي جاچ جو مطالبو ڪيو آهي، ڀارت پاڪستان جي خودمختياري جي خلاف ورزي ڪئي آهي.هن اهو به چيو ته ڀارتي فوج معصوم ٻارن ۽ عام ماڻهن کي نشانو بڻايو، ۽ ڪنهن به خودمختيار قوم وٽ اهڙين حالتن ۾ جواب ڏيڻ کان سواءِ ڪو به آپشن نه هوندو.
