لاهور(ويب ڊيسڪ) مسلم ليگ (ن) جي اڳواڻ راڻا ثناءُ الله چيو آهي ته خيبرپختونخواهه جو وڏو وزير علي امين گنڊاپور پاڻ کي تيس مار خان ٿو سمجهي پر هو رڳو هوا ۾ فائر ڪندو آهي، هن وٽ ڪجهه به ناهي.لاهور ۾ ميڊيا سان ڳالهائيندي وزيراعظم جي صلاحڪار راڻا ثناءُ الله چيو ته جيڪڏهن اها (پي ٽي آءِ) اسٽيبلشمينٽ سان ڳالهائڻ چاهي ٿي يا اسٽيبلشمينٽ سان ڳالهيون ڪرڻ چاهي ٿي ته ضرور ڪري راڻا ثناءُ الله چيو ته جڏهن اسٽيبلشمينٽ ساٿ نه ڏنو ته هن چيو ته اهو مير جعفر ۽ مير صادق آهي، سندن تڪرار آهي ته اسٽيبلشمينٽ سياست ۽ ملڪ جي نظام ۾ مداخلت ڪري.پي ٽي آءِ جي باني بابت ڳالهائيندي مسلم ليگ ن جي اڳواڻ چيو ته عمران خان کي جيل ۾ سڀ ڪجهه ملي رهيو آهي.
