اسلام آباد: (بيورو رپورٽ) بچاءَ واري وزير خواجه آصف چيو آهي ته ايندڙ مالي سال لاءِ دفاعي بجيٽ کي اڃا تائين حتمي شڪل ناهي ڏني وئي.پارليامينٽ هائوس ۾ صحافين سان ڳالهائيندي خواجه آصف چيو ته ايندڙ مالي سال جي بجيٽ ۾ عوام کي ٽارگيٽڊ سبسڊي ڏيڻ جي ڪوشش ڪري رهيا آهيون. هن چيو ته دفاعي بجيٽ کي اڃا تائين حتمي شڪل ناهي ڏني وئي، ان حوالي سان مشاورت جاري آهي، بجيٽ جي سڀني شعبن ۾ بچت پاليسي اختيار ڪئي ويندي.
