لاهور(ويب ڊيسڪ) حڪمران جماعت پاڪستان ڊيموڪريٽڪ موومينٽ (پي ڊي ايم) ۽ اتحادي پارٽين پنجاب ۽ خيبرپختونخواهه ۾ چونڊون ملتوي ڪرڻ تي سپريم ڪورٽ جي 3 رڪني بينچ جو بائيڪاٽ ڪرڻ جو فيصلو ڪيو آهي. وزيراعظم شهباز شريف جي صدارت هيٺ اتحادي پارٽين جو اجلاس ٿي رهيو آهي، جنهن ۾ سپريم ڪورٽ جي بينچ ۽ ملڪ جي سياسي صورتحال تي پنجاب ۽ خيبرپختونخواهه ۾ چونڊون ملتوي ڪرڻ بابت غور ويچار ڪيو پيو وڃي. ملاقات دوران وزيراعظم شهباز شريف اڳوڻي وزيراعظم نواز شريف سان رابطو ڪري ٻن صوبن ۾ چونڊون ملتوي ڪرڻ واري معاملي تي سپريم ڪورٽ جي 3 رڪني بينچ جي تجويز ڪيل ٻڌڻي جي معاملي تي حڪومتي سهڪار تي صلاح مشوري لاءِ چيو،نواز شريف تجويز ڏني ته پي ٽي ايم جون سموريون پارٽيون 3 رڪني بينچ جو بائيڪاٽ ڪن، 3 رڪني بينچ مان انصاف جي ڪا اميد ناهي ڇو ته 3 رڪني بينچ ۾ ثاقب نثار سان لاڳاپيل ماڻهو شامل آهن.اجلاس ۾ مشاورتي بحث دوران اها به تجويز ڏني وئي ته اٽارني جنرل عدالت ۾ پيش ٿئي ۽ 3 رڪني بينچ تي بي اعتمادي جو اظهار ڪري، اٽارني جنرل کي ڪارروائي جي بائيڪاٽ کان آگاهه ڪيو وڃي.اجلاس ۾ پ پ قيادت کان سپريم ڪورٽ جي 3 رڪني بينچ جو بائيڪاٽ ڪرڻ جون تجويزون به مليون، جنهن کي نواز شريف منظور ڪري ورتو. نواز شريف چيو ته بينچ جو بائيڪاٽ ڪرڻ کانسواءِ ٻيو ڪو رستو ناهي، سياسي قيادت جي اڪثريت جي مطالبي باوجود فل بينچ جو نه ٺهڻ خاص ايجنڊا جي نشاني آهي.
