اسلام آباد(بيورو رپورٽ)سپريم ڪورٽ اليڪشن ملتوي ڪيس جي ٻڌڻي جو 31 مارچ وارو حڪم جاري ڪري ڇڏيو،چيف جسٽس عمر عطا بنديال جي سربراهيءَ ۾ 3 رڪني بينچ فيصلو ٻڌايو ۽ حڪم ۾ چيو ويو آهي ته اٽارني جنرل کي ڪجهه سوالن جا جواب ڏيڻ لاءِ چيو ويو آهي. اليڪشن ڪميشن سڪيورٽي ۽ مالي مشڪلاتن جو اظهار ڪندي اٽارني جنرل کان جواب طلب ڪري ورتو.سپريم ڪورٽ دفاع واري سيڪريٽري ۽ ناڻي واري سيڪريٽري کي به سومر 11:30 وڳي طلب ڪري ورتو.جسٽس جمال مندوخيل جي بينچ کان ڌار ٿيڻ جو معاملو حڪم ۾ شامل ناهي.آرڊر ۾ اٽارني جنرل جي فل ڪورٽ جي درخواست ۽ پوءِ فل ڪورٽ جي درخواست رد ڪرڻ جو ڪو به ذڪر ناهي.سپريم ڪورٽ ۾ اليڪشن ڪميشن طرفان وڪيل طور عرفان قادر جو نالو شامل نه ڪيو ويو، مسلم ليگ ن جي وڪيل اڪرم شيخ ۽ پيپلز پارٽي جي وڪيل فاروق ايڇ نائيڪ شامل نه هئا.
