پشاور (ويب ڊيسڪ)خيبرپختونخواهه جي اطلاعات واري صلاحڪار بئريسٽر محمد علي سيف چيو آهي ته چيف اليڪشن ڪمشنر اداري کي سياسي پارٽي ۾ تبديل ڪري ڇڏيو آهي.پنهنجي جاري ڪيل بيان ۾ بئريسٽر محمد علي سيف چيو آهي ته اليڪشن ڪميشن عذر تلاش ڪرڻ لاءِ اجلاس بعد اجلاس گهرائي رهي آهي، اليڪشن ڪميشن کي کاٻي ڌر بدران سپريم ڪورٽ جي حڪم تي عمل ڪرڻ گهرجي.بئريسٽر سيف چيو ته اليڪشن ڪميشن کي مخصوص سيٽن بابت نوٽيفڪيشن جاري ڪرڻ گهرجي جڏهن ته چيف اليڪشن ڪمشنر به توهين عدالت جو مرتکب ٿيو آهي.هن وڌيڪ چيو ته اليڪشن ڪميشن جعلي حڪومت جي اشارن تي هلي رهي آهي، مينڊيٽ چوري ڪندڙ حڪومت رياستي ادارن جي ساک کي داءَ تي لڳائي رهي آهي.بئريسٽر سيف جو وڌيڪ چوڻ هو ته رياستي ادارن جا سياسي فيصلا ملڪ لاءِ خوفناڪ آهن، فارم 47 واري حڪومت هر اداري کي تباهي جي ڪناري تي پهچايو آهي.
