ڪرم (ويب ڊيسڪ) ڇنڇر تي ڪي پي ڪي جي وڏي وزير جي هدايت تي قانون واري صوبائي وزير ايڊووڪيٽ آفتاب عالم جي سربراهي ۾ امن جرڳي کي فعال ڪرڻ لاءِ ويندڙ وفد جي هيليڪاپٽر تي فائرنگ جون خبرون آيون پر قانون واري صوبائي وزير بعد ۾ خبرن کي بي بنياد قرار ڏنو. ٻئي پاسي ڪرم ضلعي ۾ بدامني عروج تي آهي، مختلف قبيلن وچ ۾ فائرنگ جو سلسلو جاري آهي. تازين جهڙپن ۾ 18 ماڻهن جي مارجڻ ۽ 30 جي زخمي ٿيڻ جا اطلاع آهن. گذريل خميس تي پوليس ۽ سيڪورٽي ايجنسين جي قافلي ۾ پارا چنار کان پشاور ويندڙ ۽ پشاور کان پارا چنار ايندڙ مسافر گاڏين تي نامعلوم ماڻهن جي فائرنگ واري واقعي کانپوءِ حالتون لڳاتار خراب آهن. خميس واري واقعي ۾ عورتن ۽ ٻارن سميت 44 ماڻهو مري ويا هئا ۽ 16 زخمي ٿيا هئا. ضلعي هيلٿ آفيسر ڊاڪٽر قيصر عباس جو چوڻ آهي ته 9 زخمين جي حالت نازڪ آهي جن کي ايئر ايمبولينس ذريعي پشاور منتقل ڪيو ويو آهي. چنچر تائين مري ويلن جو انگ 60 ٿي ويو آهي. مقامي ماڻهن جو چوڻ آهي ته نامعلوم ماڻهن جي فائرنگ ۾ پوليس يا سيڪورٽي اهلڪارن کي نشانو نه بڻايو ويو ۽ نه ئي واري سيڪورٽي فورسز جوابي فائرنگ ڪئي، رڳو عام ماڻهن کي نشانو بڻايو ويو آهي. پوليس جو چوڻ آهي ته ضلعي ڪرم جي تعلقي لوئر ڪرم ۾ عليزئي ۽ بگن قبيلن وچ ۾ زبردست فائرنگ جو سلسلو جاري آهي.ان کان علاوه بالاش خيل، خار ڪلي ۽ ڪنج عليزئي ۽ مقبل قبيلن ۾ به فائرنگ ٿي رهي آهي. پوليس ذريعن جو چوڻ آهي ته ڌرين وچ ۾ جهيڙو خميس تي مسافر گاڏين تي فائرنگ کانپوءِ ٿيو ۽ هاڻي ڌريون هڪ ٻئي کي هٿيارن ۽ هٿيارن سان نشانو بڻائي رهيون آهن. هٿياربند جهڙپن۾ دڪانن ۽ گهرن کي به نقصان پهتو آهي. ذريعن جو چوڻ آهي ته جهڙپ جي نتيجي ۾ مختلف ڳوٺن مان ماڻهو لڏپلاڻ ڪري محفوظ هنڌن تي پهچي ويا آهن.پرائيويٽ ايجوڪيشن نيٽورڪ جي چيئرمين محمد حيات حسن چيو آهي ته ڪرم ضلعي ۾ اڄ تعليمي ادارا خراب حالتن سبب بند رهيا. پوليس جو چوڻ آهي ته خميس ڏينهن باغان، مندوري ۽ اچٽ ۾ 200 مسافر گاڏين تي فائرنگ ڪئي وئي هئي، پاراچنار جي هڪ مقامي رهواسي زيارت حسين ٽيليفون تي رائٽرز کي ٻڌايو ته مسافر گاڏين جا ٻه قافلا هئا، هڪ پشاور کان پاراچنار ۽ ٻيو پارا چنار کان پشاور وڃي رهيو هو ته هٿياربندن مٿن فائرنگ ڪئي. زيارت حسين جو وڌيڪ چوڻ هو ته سندس مائٽ پشاور کان ڪرم وڃي رهيا هئا، هن وقت تائين ڪنهن به گروپ مسافر گاڏين تي حملي جي ذميواري قبول نه ڪئي آهي.
