راولپنڊي (ويب ڊيسڪ)ڊي جي آءِ ايس پي آر ليفٽيننٽ جنرل احمد شريف چوڌري جو چوڻ آهي ته پاڪ فوج دهشتگردي خلاف ڊگهي جنگ وڙهي آهي ۽ وڙهي رهي آهي.راولپنڊي ۾ پريس ڪانفرنس ڪندي ڊي جي آءِ ايس پي آر ليفٽيننٽ جنرل احمد شريف چوڌري چيو ته 5 سال اڳ جي مقابلي ۾ هن سال سڀ کان وڌيڪ دهشتگرد مارجي ويا.پاڪ فوج دهشتگردي جا ڪيترائي منصوبا ڪاميابي سان ناڪام بڻائي ڇڏيا آهن، پاڪ فوج ڪارروائين ۾ دهشتگردن وٽان وڏي انگ ۾ هٿيار پڻ هٿ ڪيا آهن.هن چيو ته 2024ع ۾ دهشتگردن جي ڪيترن ئي وڏن نالن سميت 925 دهشتگردن کي جهنم ۾ موڪليو ويو ۽ آپريشن ۾ 73 انتهائي گهربل دهشتگرد مارجي ويا.هن چيو ته 2 آپگهاتي بمبارن کي حراست ۾ ورتو ويو، جڏهن ته 14 مطلوب دهشتگردن هٿيار ڦٽا ڪيا، 383 آفيسر ۽ جوان شهيد ٿيا.ڊي جي آءِ ايس پي آر چيو ته پاڪستان افغانستان ۾ امن لاءِ ڪوششون ڪيون آهن.پاڪستان جي سمورين ڪوششن باوجود افغان سرزمين مان دهشتگرد پاڪستان ۾ دهشتگردي ڪري رهيا آهن. دهشتگرديءَ جو ڳڙهه افغانستان تائين پکڙيل آهي، دهشتگردن جي نيٽ ورڪ جي خاتمي لاءِ ڪابه ڪسر نه ڇڏي ويندي. هن چيو ته پاڪ فوج ڀارت جي ڪنهن به جارحيت جو ڀرپور جواب ڏيڻ جي صلاحيت رکي ٿي.ڀارت والاريل ڪشمير ۾ ظلم جي بازار گرم ڪري ڇڏي آهي، والاريل ڪشمير ۾ ڀارت جو ظلم دنيا جي سامهون آهي.ڀارت والاريل ڪشمير ۾ عالمي قانونن جي کليل ڀڃڪڙي ڪري رهيو آهي، اسان والاريل ڪشمير جي مظلوم عوام سان گڏ آهيون.هن چيو ته ڀارت ٻين ملڪن ۾ سکن جي قتل عام ۾ به ملوث آهي.ڀارت ۾ اقليتن جي نسل ڪشي سازش تحت ڪئي پئي وڃي.اسان جو اصولي موقف آهي ته اسان والاريل ڪشمير جي مظلوم عوام جي قانوني، سفارتي ۽ اخلاقي مدد جاري رکنداسين. هن چيو ته پوري قوم کي ادارن سان گڏجي دهشتگردي جي لعنت جو مقابلو ڪرڻو پوندو ڇو ته محفوظ پاڪستان ئي مضبوط پاڪستان آهي. پاڪستان ۾ دهشتگردي، ڀتا خوري ۽ اسمگلنگ جو اربين روپين جو اسپيڪٽرم آهي.هن چيو ته دهشتگردي تڏهن ختم ٿيندي جڏهن انصاف، تعليم، صحت ۽ سٺي حڪمراني هوندي.دهشتگردي تڏهن ختم ٿيندي جڏهن دهشتگردي ۽ ڏوهن جو ڳانڍاپو ختم ٿيندو.پاڪستان ۾ اربين روپين جو غير قانوني اسپيڪٽرم موجود آهي، جنهن ۾ جعلي خبرون به هڪ حصو آهن.اشرافيه به غير قانوني اسپيڪٽرم سان گڏ بيٺي آهي جڏهن ته سيڪيورٽي ادارا ان غير قانوني اسپيڪٽرم خلاف بيٺا آهن.ليفٽيننٽ جنرل احمد شريف چوڌري چيو ته 8 لک کان وڌيڪ غير قانوني افغانين کي واپس موڪليو ويو آهي، ملڪ جي ڊجيٽل سرحدن کي محفوظ بڻائڻ لاءِ به قدم کنيا پيا وڃن، بلوچستان ۾ احساس محرومي جو غلط ۽ مصنوعي داستان ٺاهيو پيو وڃي محرومين کي بي نقاب ڪيو پيو وڃي.هن چيو ته افغان عبوري حڪومت سان ڳالهيون ۽ رابطا ٻن سالن کان هلي رهيا آهن، اسان رڳو ان ڳالهه تي ڳالهائي رهيا آهيون ته ٻئي ملڪ ڀائر ملڪ آهن. افغان حڪومت خوارج جي بغاوت ۽ سهولتڪاري کي روڪڻ لاءِ قائل آهي.واضح پاليسي اختيار ڪئي وئي آهي، افغانستان جي خودمختياري جو احترام ڪندي ڊجيٽل سرحد کي محفوظ بڻائڻ لاءِ قانوني ۽ ٽيڪنيڪل قدم کنيا پيا وڃن.
