لاهور (ويب ڊيسڪ)پاڪستان مسلم ليگ ن جي اڳواڻ ميان جاويد لطيف چيو آهي ته اهي ڇو نٿا چون ته پي ٽي آءِ جي باني کي ڇڏڻ لاءِ دٻاءُ آهي؟لاهور ۾ پريس ڪانفرنس ڪندي هن چيو ته قوم جنرل فيض حميد جي گرفتاري جو سبب ٻڌائي، کيس هائوسنگ سوسائٽي سبب گرفتار نه ڪيو ويو. جاويد لطيف جو چوڻ آهي ته فيض حميد اداري اندر بغاوت جي ڪوشش ڪئي جيڪا ناڪام ٿي، اهڙي بغاوت جي سازش ڪنهن ٻئي ملڪ ۾ ٿئي ها ته کيس گوليون هڻي قتل ڪيو وڃي ها. هن چيو ته جيڪڏهن دٻاءُ ۾ ڪجهه ڪيو ويو ته قوم اٿي بيهي ڏيکاريندي باغي کي آزاد ڪرڻ ۽ سائيڪل چور کي ڦاسي ڏيڻ، ڪارڪنن کي سزا ڏيڻ ۽ ماسٽر مائينڊ ڪيس هلائڻ سان ڪم نه ٿيندو.ن ليگ اڳواڻ چيو ته پاڪستان ۾ جڏهن مارشل لا لڳل آهي ته اڄ ڪنهن کي جمهوريت ياد ناهي، هڪ قومي ليڊر شهيد ٿيو، ڪنهن کي انساني حق ياد ناهن.هنن چيو ته اڄ لبنان، فلسطين، لبيا ۽ شام کان پوءِ ايران کي ڏٺو پيو وڃي، اسان خيرات ۾ زندگي نٿا چاهيون، عزت جي موت سان محبت رکون ٿا.هن چيو ته جيڪڏهن ڪو اسان کي ڊڪٽيشن ڏيندو ته سڀ هڪ ٿي نظر ايندا، اسان ايٽمي طاقت آهيون، عالمي طاقتن جي دٻاءَ ۾ نه اينداسين.جاويد لطيف جو وڌيڪ چوڻ آهي ته اسان کي ڪير به ڊالرن جي زور تي بي عزتي نٿو سيکاري، سول نافرماني 9 مئي 10 مئي کان به وڏو ڏوهه آهي، اڄ عالمي طاقتن کي ان جي منظوري ڇو ڏني وئي؟ عالمي طاقتون ان سان ڇا ڪرڻ چاهين ٿيون؟ن ليگ اڳواڻ اهو به چيو ته اسان کي آزادي ۽ عزت کان وڌيڪ ڪا به شيءِ پياري ناهي، سياسي محاذ تي ورهائجي وينداسين، قومي غيرت تي ورهائجڻ نه ڏينداسين.
