اسلام آباد (بيورو رپورٽ)وفاقي گهرو وزير محسن نقوي جو چوڻ آهي ته بند روڊ فوري طور کوليا وڃن، سڀاڻي کان اسڪول کلي ويندا، موبائل فون سروس به بحال ڪئي ويندي.ڊي چوڪ تي ميڊيا سان ڳالهائيندي گهرو وزير محسن نقوي چيو ته علي امين گنڊاپور ۽ بشرا بي بي اڃا تائين مفرور آهن.گهرو وزير چيو ته هو پوليس ۽ رينجرز جا ٿورائتا آهن، رينجرز جنهن طريقي سان ڪم ڪيو اهو شاندار هو، اسلام آباد جا شهري ٻن ٽن ڏينهن کان پريشان هئا.هن چيو ته اهڙيون ڳالهيون ڪيترا ڀيرا ڪرڻيون پونديون، اسان کانئس ٻه ڀيرا سنگجاني ۾ ملاقات جو مطالبو ڪيو، اسان ڳالهه ٻولهه ڪئي، هن سنگجاني وڃڻ تي راضي ٿي ويو، هن چيو ته پي ٽي آءِ جو باني نه مڃيندو فيصلو ٿيو ته ڊي چوڪ وڃڻو آهي.محسن نقوي چيو ته ڌمڪيون ڏئي ۽ اربين جو نقصان ٿيندو ڏٺو آهي، ميڊيا هائوسز تي حملا ٿيا، جتي به نقصان ٿيو سي سي ٽي وي ذريعي معلوم ڪيو ويندو.ان کان اڳ گهرو وزير چيو هو ته اسلام آباد ۾ ٿيندڙ هر جاني ۽ مالي نقصان جي پويان عورت جو هٿ آهي.
