لاهور (ويب ڊيسڪ)جماعت اسلامي جي نائب امير لياقت بلوچ چيو آهي ته اسرائيل جي ڪاميابي اسلامي دنيا جي تباهي جو رستو هموار ڪندي. لياقت بلوچ پنهنجي بيان ۾ چيو ته خطي ۾ امن قائم ڪرڻ لاءِ اسرائيل جي شڪست ضروري آهي، هن وڌيڪ چيو ته آمريڪا، اسرائيل ۽ ڀارت جو اتحاد عالمي امن کي تباهه ڪري رهيو آهي.هن وڌيڪ چيو ته اسلامي دنيا کي هڪ فوجي اتحاد ٺاهڻ گهرجي. لياقت بلوچ جو چوڻ آهي ته پاڪستان ۾ سياسي استحڪام قومي سلامتي جي تحفظ جي لڪير آهي، وزيراعظم شهباز شريف کي سياسي بحران جي خاتمي لاءِ قدم کڻڻ گهرجن.
