ڳالهيون ڪامياب ٿينديون، پاڪستان جي مدد جاري رهندي: مشن چيف

اسلام آباد: (بيورو رپورٽ) بجيٽ ۽ نئين قرض پروگرام تي پاڪستان ۽ آءِ ايم ايف وچ ۾ ڳالهيون شروع ٿي ويون آهن.ڳالهين لاءِ عالمي مالياتي فنڊ جو وفد ناڻي واري وزارت ۾ پهچي ويو. آءِ ايم ايف مشن جي ٻن هفتن تائين معاشي ٽيم سان ڳالهيون جاري رهنديون.رپورٽ موجب آءِ ايم ايف مشن ناڻي واري وزارت پهتو جتي آءِ ايم ايف مشن ۽ ناڻي واري وزارت جي اختيارين وچ ۾ تعارفي سيشن ٿيو، پاڪستان جي معاشي ٽيم جي قيادت ناڻي واري وزير محمد اورنگزيب، جڏهن ته عالمي مالياتي فنڊ جي وفد جي قيادت مشن چيف نيتهن پورٽر ڪئي. ان موقعي تي ناڻي واري وزير محمد اورنگزيب آءِ ايم ايف مشن کي موجوده معاشي صورتحال تي بريفنگ ڏني.ناڻي واري وزير محمد اورنگزيب چيو ته آءِ ايم ايف سان قرض معاهدي ان ملڪي معيشت ۾ بهتري آئي، پاڪستان آءِ ايم ايف سان نئين قرض پروگرام تي صحيح ڪرڻ لاءِ تيار آهي، آءِ ايم ايف سان قرض پروگرام ۾ رهي معيشت صحيح رستي تي گامزن آهي. آءِ ايم ايف مشن ملڪي معيشت لاءِ کنيل قدمن تي اطمينان جو اظهار ڪيو.ذريعن موجب نئين قرض پروگرام لاءِ پاڪستان جي معاشي ٽيم سمورو ڪم مڪمل ڪري ورتو آهي. آءِ ايم ايف سان ايڪسٽنڊڊ فنڊ فيسبلٽي قرض پروگرام لاءِ ورڪنگ پيپر تيار ڪيو ويو آهي. ذريعن موجب ايف بي آر اختيارين آءِ ايم ايف کي نئين ٽيڪس قدمن سميت 6 معاملن تي بريفنگ ڏيندو. ايف بي آر طرفان هلندڙ مالي سال ٽيڪس جا حدف حاصل ڪرڻ ۾ ناڪامي، واپاري دوست اسڪيم جي ناڪامي وارن سببن بابت به ٻڌايو ويندو.عالمي مالياتي فنڊ (آءِ ايم ايف) جي مشن چيف ناٿن پورٽر چيو آهي ته پاڪستان سان ڳالهيون فائديمند ثابت ٿينديون، پاڪستان جي حمايت جاري رکنداسين. ذريعن موجب ناڻي واري وزارت جي آفيسرن سان ملاقات ۾ آءِ ايم ايف جي سربراهه ناٿن پورٽر چيو ته سياسي عدم استحڪام سبب معاشي ميدان ۾ چئلينجز آهن، معاشي استحڪام به سياسي استحڪام سان جڙيل آهي.آءِ ايم ايف مشن جي سربراهه چيو ته معيشت جي بهتري لاءِ سمورين سياسي پارٽين کي گڏجي ڪم ڪرڻ جي ضرورت آهي.نيٿن پورٽر چيو ته آءِ ايم ايف پاران ڏنل تجويزن تي عملدرآمد کي يقيني بڻايو وڃي، ڳالهيون نتيجا ڏيندڙ ثابت ٿينديون، پاڪستان جي حمايت جاري رهندي.آءِ ايم ايف مشن جي سربراهه يقين ڏياريو ته هو ايندڙ مالي سال جي بجيٽ تي به اقتصادي ٽيم سان گڏ ڪم ڪندو.

پهنجو تبصرو موڪليو