ڍل جون ڪوڙيون رسيدون ڪڍڻ تي تپيدار کي 18 سال قيد

لاڙڪاڻو(عبدالوحيد ابڙو) اينٽي ڪرپشن لاڙڪاڻي جي عدالت پاران ڍل جون ڪوڙيون رسيدون ڪڍڻ جو ڏوھ ثابت ٿيڻ تي هڪ ئي جوابدار کي 12 ڪيسن ۾ 18 سال قيد جي سزا سميت هڪ هڪ لک روپيا ڏنڊ جي سزا پڻ ٻڌائي وئي آهي. ان ڏس ۾ اينٽي ڪرپشن ڪورٽ جي جج پاران ڍل جون ڪوڙيون رسيدون ڪڍڻ جو ڏوھ ثابت ٿيڻ تي روينيو کاتي جي تپيدار سرفراز ڪٽپر کي 12 ڪيسن ۾ 18، 18 سال قيد ۽ هڪ هڪ لک روپيا ڏنڊ جي سزا ٻڌائي ڇڏي. ياد رهي ته جوابدار سرفراز ڪٽپر مٿان سال 2013 ۽ 14 دوران ڍل جون ڪوڙيون رسيدون ڪڍڻ جا 12 ڪيس اينٽي ڪرپشن ٿاڻي شڪارپور تي سرڪار جي فرياد تي داخل ٿيا هئا جن ڪيس جي ٻڌڻي اينٽي ڪرپشن ڪورٽ لاڙڪاڻي ۾ ٿي گذري. جڏهن ته ڏوھ ثابت ٿيڻ تي عدالت سڳوري پاران اهڙو فيصلو ٻڌايو ويو.

پهنجو تبصرو موڪليو