اسلام آباد (بيورو رپورٽ)چين جي سياسي معاملن واري وزير چن مينگ گوو وفاقي گهرو وزير محسن نقوي کي چيني صوبي سنڪيانگ جي دوري جي دعوت ڏني.چيني وزير جي اڳواڻي ۾ وفد محسن نقوي سان ملاقات ڪئي، جنهن ۾ دهشتگردي خلاف، سرحد پار سهڪار، اسمگلنگ ۽ منشيات جي خاتمي جي شعبن ۾ سهڪار وڌائڻ تي اتفاق ڪيو ويو.ملاقات ۾ گلگت بلتستان يا سنڪيانگ ۾ پوليس ۽ پيرا ملٽري فورسز جي گڏيل مشقن جو جائزو ورتو ويو ۽ گلگت بلتستان جي پوليس آفيسرن جي تربيت سنڪيانگ پوليس اڪيڊمي ۾ ڪرائڻ تي به اتفاق ڪيو ويو.ملاقات ۾ اتفاق ڪيو ويو ته دهشتگردي هڪ عالمي مسئلو آهي جنهن لاءِ جامع قدم کنيا ويندا. ان موقعي تي محسن نقوي چيو ته سنڪيانگ چين سان لاڳاپن ۾ تمام گهڻي اهميت رکي ٿو، سنڪيانگ سان اسان جي 600 ڪلوميٽر ڊگهي سرحد آهي.
