اسلام آباد(بيورو رپورٽ)نواز ليگ پاران مڪاني ادارن کي سڌي ريت وفاق جي ماتحت ڪرڻ سوڌو آئيني ترميم لاءِ متحده جي تجويزن جي حمايت جو اعلان ڪيو، اسلام آباد ۾ ايم ڪيو ايم ۽ نواز ليگ جي وفدن وچ ۾ ملاقات بعد ميڊيا سان ڳالهه ٻولهه ۾ احسن اقبال چيو آهي ته ٻئي جماعتون ايندڙ پارليامينٽ مان آئيني ترميمون منظور ڪرائينديون، نواز ليگ به ملڪ ۾ مضبوط مڪاني نظام تي يقين رکي ٿي، چاهيون ٿا ته مڪاني حڪومتون صوبائي حڪومتن جي رحم و ڪرم تي نه هجن، فاروق ستار چيو ته ضعلن ۽ مڪاني حڪومتن جي خودمختياري ۾ ملڪ جي بقا آهي، مڪاني نظام کي بااختيار ۽ خودمختيار ڪرڻ لاءِ آئيني ترميم جي ضرورت آهي، آئيني ترميم لاءِ تجويزن جو مسودو ٻين پارٽين آڏو به پيش ڪنداسين.
