مظفر ڳڙهه(ويب ڊيسڪ) پنجاب جي ضلعي مظفر ڳڙهه جي ٿاڻي سيت پور جي حد ۾ قرآن پڙهڻ لاءِ ويل ٻار سان مسجد جي ٻانگي يعني موذن بد فعلي ڪئي. نينگر جي والد جي فرياد تي پوليس ڪيس داخل ڪري ملزم کي گرفتار ڪري ورتو آهي. ڊان اخبار جي رپورٽ موجب ٿاڻي جي ايس ايڇ او ملڪ شريف ملاڻو ڪيس داخل ڪرڻ ۽ ملزم جي گرفتاري جي تصديق ڪئي آهي. فرياد ۾ ڄاڻايو ويو آهي ته فريادي جو پٽ صبح ساڍي ڇهين وڳي مسجد ۾ قرآن پڙهڻ ويو ته ملزم کيس مسجد لڳ مزار ۾ وٺي وڃي بد فعلي جو نشانو بڻايو. ملزم نينگر کي 10 روپيا ڏيندي چيو ته ڪنهن سان ڳالهه نه ڪجان. نينگر روئندي گهر پهتو ۽ پڇڻ تي سڄو قصو ٻڌايو جنهن بعد سندس والد ٿاڻي تي ڪيس داخل ڪرايو. ياد رهي ته ڪوٽ ادو جي علائقي محمود ڪوٽ ۾ هڪ ملزم 5 سالن جي ٻارڙي سان ريپ ڪيو هو جنهن کي پوليس گرفتار ڪري ورتو هو. 3 ڊسمبر تي مظفر ڳڙهه جي علائقي ۾ ئي 6 سالن جي نينگر سان بدفعلي جو واقعو به رپورٽ ٿيو هو. هلندڙ سال آگسٽ ۾ نابينا ڇوڪري کي پاڙيسري زيادتي جو نشانو بڻائڻ جو ڪيس به رپورٽ ٿيو هو.
