پشاور(ويب ڊيسڪ) سڄي ملڪ ۾ غير قانوني طور رهندڙ پرڏيهين خلاف ڪارروائي دوران 53 هزار کان وڌيڪ شڪي ڪمپيوٽرائيزڊ قومي سڃاڻپ ڪارڊ جاري ڪرڻ جو انڪشاف ٿيو آهي.وفاقي گهرو وزارت پاران ڪيل جاچ ۾ انڪشاف ٿيو آهي ته خيبرپختونخواهه ۾ 595 گاڏيون پاڪستان مان غير قانوني طور وطن واپس ايندڙن جي سڃاڻپ ڪارڊن تي داخل ڪيون ويون آهن، جن ۾ 7500 جعلي شناختي ڪارڊ رکندڙن خلاف ڪيس تيار ڪيا ويا آهن ڪيو ويو آهي ۽ انهن خلاف قانوني ڪارروائي جي هدايت ڪئي وئي آهي جنهن ۾ انهن جي موبائيل فون جا سم ڪارڊ بلاڪ ڪرڻ ۽ انهن جي ملڪيتن ۽ ڪاروبار جي نشاندهي بعد واپس ڪرڻ شامل آهن.اهڙي طرح پرڏيهين جي نالي تي 349 بي نامي پراپرٽيز ۽ ڪاروبار جو به انڪشاف ٿيو آهي، جيڪي جاچ لاءِ ايف بي آر ڏانهن موڪليا ويا آهن.گهرو وزارت غير قانوني تاجڪ باشندن کي ملڪ بدر ڪرڻ جو به فيصلو ڪيو آهي، جڏهن ته افغان مدرسن جي شاگردن تي به غور ڪيو پيو وڃي.ان کان علاوه گهرو وزارت خيبرپختونخواهه ۽ بلوچستان ۾ افغانين جي نالي تي 2343 شڪي بئنڪ اڪائونٽس جي جاچ مڪمل ڪري ورتي آهي.اجلاس جي منٽس موجب پاڪستان مان غير قانوني پرڏيهين جي واپسي جي پهرين ۽ ٻئي مرحلي ۾ هن وقت تائين ٿيل اڳڀرائي جي حوالي سان اجلاس ۾ پرڏيهين جي واپسي جي ٻئي مرحلي جي عمل کي تيز ڪرڻ جي هدايت ڪئي وئي آهي.
