ڪراچي (اسٽاف رپورٽر) سنڌ حڪومت اورنگي پائلٽ پراجيڪٽ جي سربراهه پروين رحمان قتل ڪيس جي جوابدارن کي آزاد نه ڪرڻ جو فيصلو ڪيو آهي.سنڌ حڪومت جوابدارن کي ايم پي او تحت 3 مهينا نظربند ڪرڻ جو فيصلو ڪيو آهي.سنڌ حڪومت جو چوڻ آهي ته پروين رحمان جي ڀيڻ ۽ گهرڀاتين کي جوابدارن مان خطرو آهي، ايم پي او قانون 1960 تحت جوابدارن کي 3 مهينا نظربند رکيو ويندو.واضح رهي ته سنڌ هاءِ ڪورٽ پروين رحمان قتل ڪيس ۾ جوابدارن کي آزاد ڪرڻ جو حڪم ڏئي چڪي آهي.
