ڪوئٽه (ويب ڊيسڪ) بلوچستان ۾ آسماني بجلي ڪرڻ سبب 2 ٻارڙا فوت ۽ هڪ زخمي ٿي پيو، موسميات کاتي صوبي ۾ تيز برساتن جي اڳڪٿي ڪئي، رپورٽ موجب موسميات کاتي جو چوڻ آهي ته ڪوئيٽا کان علاوه پشين، مسلم باغ ۽ زيارت سميت ٻين علائقن ۾ برسات جو امڪان آهي، جڏهن ته زوب ، شيراني، بارکھان، موسيٰ خيل، ڪوهلو، سبي ۽ جهل، مگسي ۾ تيز برسات جو امڪان آهي. چمن، قلعه عبدالله، قلعه سيف الله، لورالائي ۽ قلات ۾ به گجگوڙ سان برسات جي اڳڪٿي ڪئي وئي آهي، ان کان علاوه تربت، هرنائي، نصير آباد، جعفرآباد، چاغي، پنجگور، گوادر ۽ ڪيچ ۾ به برسات جو امڪان آهي.ڪوئيٽا ۾ اڄ تيز برسات کانپوءِ هيٺاهين وارا علائقا پاڻي هيٺ اچي ويا، قلات ۾ به مٽيءَ جي طوفان تباهي مچائي ڇڏي، جنهن سبب علائقي ۾ روشني پڻ متاثر ٿي.پراونشل ڊزاسٽر مئنيجمينٽ اٿارٽي (پي ڊي ايم اي) جي ڊائريڪٽر جنرل جهانزيب خان طرفان شيئر ڪيل هڪ اپڊيٽ ۾ ٻڌايو ويو آهي ته سوراب ضلعي ۾ ڪرنٽ لڳڻ سبب 2 ٻارڙا فوت ٿي ويا.هن چيو ته صوبي جي اڪثر علائقن ۾ موسم خشڪ رهندي، جڏهن ته چمن، چاغي، نوشڪي، سوراب، خضدار، ڪوئيٽا ۽ ڀرپاسي وارن علائقن ۾ برسات پئي.هن چيو ته پراونشل ڊزاسٽر مئنيجمينٽ اٿارٽي موسمي صورتحال جي نگراني لاءِ پنهنجي ضلعي سطح جي هم منصبن ۽ ٻين لاڳاپيل کاتن سان رابطي ۾ آهي.پي ڊي ايم اي پاران جاري ڪيل بيان ۾ چيو ويو آهي ته موسميات کاتي صوبي ۾ برساتن جي اڳڪٿي ڪئي هئي، اولهه واري هوائن سبب اڄ کان 14 اپريل (آچر) تائين اڪثر ضلعن ۾ برسات پوندي.نتيجي ۾ جيواڻي، گوادر، پسني، اورماڑه، لسبيلا، حب، ڪيچ، پنجگور، تربت، آواران، قلات، سوراب، چاغي، نوشڪي، مستونگ، ڪوئيٽا، چمن، قلعه سيف الله، قلعه عبدالله، پشين، بارکھان، دڪي. لورالائي، هرنائي، زوب، شيراني، سبي ۽ موسيٰ خيل ضلعن ۾ برسات جو امڪان آهي.پي ڊي ايم اي عوام تي زور ڏنو ته هو احتياطي اپاءَ وٺن، برسات دوران بجلي جي پولن ۽ بجليءَ جي سامان کان پري رهن، ننڍڙن ٻارن، بزرگن ۽ معذورن جو خاص خيال رکن ۽ موسمي صورتحال کي نظر ۾ رکندي غير ضروري سفر کان پاسو ڪن.پي ڊي ايم اي شهرين تي زور ڀريو آهي ته هو گندي پاڻي جي ذخيرن ۽ ڊيمن جي ويجهو وڃڻ کان پاسو ڪن، موٽرسائيڪل سوارن کي پناهه وٺن يا برسات دوران سست رفتاري سان ڊرائيونگ ڪن.بيان ۾ وڌيڪ چيو ويو آهي ته چوپائي مال لاءِ حفاظتي انتظام ڪيا وڃن، نالن کي صاف رکيو وڃي، ڪنهن به قسم جي ايمرجنسي جي صورت ۾ لاڳاپيل ڊپٽي ڪمشنر آفيس، ضلعي ليويز ڪنٽرول روم يا پي ڊي ايم اي ڪنٽرول روم سان رابطو ڪيو وڃي.
