اسلام آباد (بيورو رپورٽ)سني اتحاد ڪائونسل جي سربراهه صاحبزاده حامد رضا چيو آهي ته اختلافن باوجود مولانا فضل الرحمان سان گڏ ويهندس.ميڊيا سان ڳالهائيندي صاحبزاده حامد رضا چيو ته منهنجي موقف جي ٻئي حصي کي هميشه نظرانداز ڪيو ويو، اتحاد ۾ اڪثريت يا اتفاق راءِ سان فيصلا ٿيندا ته مان قبول ڪندس.هن چيو ته جيڪڏهن چار يا هڪ اڪثريت راءِ سان مولانا سان گڏ وڃڻ جو فيصلو ٿيو ته مان به شامل ٿي ويندس. صاحبزاده حامد رضا جو چوڻ آهي ته مان پنهنجي ڳالهه رکي، پر جيڪڏهن مولانا سان گڏ وڃڻ جو فيصلو ٿيو ته شامل ٿي ويندس، اتحاد جي فيصلن جو پابند آهيان.سُني اتحاد ڪائونسل جي سربراهه وڌيڪ چيو ته هو مولانا فضل الرحمان سان گڏ ويهندا، اتحاد جي فيصلي کي قبول ڪندا.هن جو اهو به چوڻ آهي ته 5 ڏينهن اڳ مولانا عطاءُ الرحمان کي سينيٽ جي مذهبي معاملن واري ڪميٽي جو چيئرمين چونڊيو ويو هو، کيس مسلم ليگ ن جو حامي چونڊيو ويو، اهڙيون حرڪتون خدشن کي جنم ڏين ٿيون.
