ڪراچي(اسٽاف رپورٽر) اليڪشن ڪميشن جي ذريعن جو چوڻ آهي ته ڪراچي ۽ حيدرآباد ۾ بلدياتي چونڊون سڀاڻي ڪرائڻ جو فيصلو ڪيو ويو آهي.چيف اليڪشن ڪمشنر سڪندر سلطان راجا جي صدارت هيٺ اليڪشن ڪميشن هيڊڪوارٽر اسلام آباد ۾ وڊيو لنڪ ذريعي اهم اجلاس ٿيو.اجلاس ۾ سيڪريٽري اليڪشن ڪميشن عمر حميد به شرڪت ڪئي جڏهن ته ڪراچي مان صوبائي اليڪشن ڪمشنر اعجاز انور چوهاڻ وڊيو لنڪ ذريعي اجلاس ۾ شرڪت ڪئي. ذريعن موجب اليڪشن ڪميشن ۾ اهم مشاورتي اجلاس ختم ٿي ويو آهي، جنهن ۾ ڪراچي، حيدرآباد ۽ دادو ۾ مڪاني چونڊون ڪرائڻ جو فيصلو ڪيو ويو آهي.
