سوات)ويب ڊيسڪ) سوات درياءَ ۾ ٻڏي فوت ٿيل هڪ ٻئي سياح جو لاش هٿ ڪيو ويو آهي.ضلعي انتظاميا موجب، ڪالهه صبح جو اوچتو ٻوڏ اچڻ سبب سوات درياءَ ۾ مختلف هنڌن تي 70 ماڻهو ڦاٿل هئا، جن مان 55 کي بچايو ويو ۽ باقي جي ڳولا جاري آهي. هاڻي ٻڌايو پيو وڃي ته سوات درياءَ ۾ ٻڏي فوت ٿيل هڪ ٻئي سياح جو لاش ڪڍيو ويو آهي، جنهن سان فوتين جو انگ 10 ٿي ويو آهي، جڏهن ته وڌيڪ 3 ماڻهن جي ڳولا جاري آهي. ڪالهه صبح جو، ڪجهه خاندان جيڪي سوات بائي پاس تي درياهه جي ڪناري تي هڪ هوٽل ۾ ناشتو ڪري رهيا هئا، درياهه جي خشڪ حصي تي لهي ويا هئا ته اوچتو ٻوڏ آئي ۽ سڀني کي وهائي ڪڍيو. ريسڪيو موجب، سيالڪوٽ جو متاثر خاندان گهمڻ لاءِ سوات آيو هو ۽ درياهه جي ڪناري تي ويٺو ناشتو ڪري رهيو هو، پر مينهن سبب درياهه تيزي سان وهي ويو ۽ هڪ ئي خاندان جا 10 ماڻهو وهي ويا.
