لاهور(ويب ڊيسڪ) صدر آصف علي زرداري جو چوڻ آهي ته چيئرمين پيپلز پارٽي بلاول ڀٽو زرداري عوامي مينڊيٽ سان پاڪستان جو ايندڙ نوجوان وزيراعظم هوندو.پنجاب جي گورنر سردار سليم حيدر جي اڳواڻي ۾ پيپلز پارٽي اٽڪ تنظيم ۽ ٽڪيٽ هولڊرز گورنر هائوس لاهور ۾ صدر آصف زرداري سان ملاقات ڪئي.ان موقعي تي صدر آصف علي زرداري چيو ته جيڪڏهن پاڪستان آهي ته پوءِ سڀئي سياسي پارٽيون آهن. پاڪ-ڀارت ڇڪتاڻ ۾ سڀئي سياسي پارٽيون پنهنجي فوج سان گڏ بيٺيون، جنهن جي ڪري هندستان کي کائڻو پيو.صدر آصف علي زرداري چيو ته پيپلز پارٽي هميشه ملڪ ۽ جمهوريت لاءِ قربانيون ڏنيون آهن. پيپلز پارٽي پنجاب ۾ سرگرم ۽ متحرڪ ٿي چڪي آهي. بلاول ڀٽو زرداري عوام جي مينڊيٽ سان ملڪ جو ايندڙ نوجوان وزيراعظم هوندو.هن چيو ته پيپلز پارٽي مزدورن، محنتي، سرڪاري ملازمن ۽ پسمانده طبقي جي پارٽي آهي.ان موقعي تي اٽڪ تنظيم صدر آصف علي زرداري کي اٽڪ جي دوري جي دعوت پڻ ڏني.
