خضدار )ويب ڊيسڪ)خضدار ۾ زيرو پوائنٽ ويجهو هڪ اسڪول بس کي ڌماڪي سان نشانو بڻايو ويو، جنهن ۾ 3 ٻارن سميت 5 ماڻهو شهيد ۽ ڪيترائي زخمي ٿيا. انٽر سروسز پبلڪ رليشنز (آءِ ايس پي آر) موجب بلوچستان جي شهر خضدار ۾ هڪ اسڪول بس تي دهشتگرد حملو ڪيو ويو، معصوم اسڪول جي ٻارن کي کڻي ويندڙ بس کي بزدلانه حملي ۾ نشانو بڻايو ويو. شروعاتي رپورٽن موجب، 3 ٻارن سميت 5 ماڻهو شهيد ٿيا. دهشتگرد حملي ۾ ڪيترائي ٻار زخمي پڻ ٿيا.آءِ ايس پي آر موجب، خضدار ۾ بزدلانه حملي جي منصوبابندي دهشتگرد رياست ڀارت ۾ ڪئي وئي هئي. بلوچستان ۾ ڀارتي پراڪسيز هن خوفناڪ منصوبي کي انجام ڏنو. جنگ جي ميدان ۾ ناڪامي جي ڪري، ڀارت بلوچستان ۽ ڪي پي ۾ دهشتگردي ڪرڻ لاءِ پراڪسيز استعمال ڪري رهيو آهي.ٻئي طرف، ڊپٽي ڪمشنر خضدار جو چوڻ آهي ته ڌماڪي ۾ 35 ٻار زخمي ٿيا آهن. زخمين کي سي ايم ايڇ خضدار منتقل ڪيو ويو آهي جتي انهن کي طبي امداد فراهم ڪئي پئي وڃي.ڊپٽي ڪمشنر خضدار جو چوڻ آهي ته واقعي واري هنڌ کي گھيرو ڪري ثبوت گڏ ڪيا پيا وڃن.
