اسلام آباد(بيورو رپورٽ) خيبرپختونخواهه جي اطلاعات واري صلاحڪار بئريسٽر محمد علي سيف جو چوڻ آهي ته پي اي سي اي ايڪٽ ۽ 26 هين ترميم جعلي حڪمرانن جي ڳچيءَ ۾ پوندي. هڪ بيان ۾ هن چيو ته جعلي حڪومت هڪ نامڪمل پارليامينٽ ذريعي ڪارا قانون پاس ڪري رهي آهي. بئريسٽر سيف جو چوڻ آهي ته 8 فيبروري تي سڀني غير قانوني حربن خلاف آواز اٿاريو ويندو.هن وڌيڪ چيو ته 8 فيبروري تي پي اي سي اي ايڪٽ ۽ 26 هين ترميم خلاف آواز اٿاريو ويندو. پي اي سي اي ايڪٽ ۽ 26 هين ترميم 8 فيبروري جي چونڊن ۾ ڌانڌلي کي بچائڻ جي ڪوشش آهي. خيبر پختونخواه جي اطلاعات واري صلاحڪار جو اهو به چوڻ آهي ته 8 فيبروري تي فارم 47 استعمال ڪندي جمهوريت تي حملو ڪيو ويو.
