لاهور (ويب ڊيسڪ)بجلي چورن خلاف ڪارروائي ڪرڻ لاءِ لاهور اليڪٽرڪ سپلاءِ ڪمپني (ليسڪو) ۾ قانون لاڳو ڪندڙ ادارن ۽ انٽيليجنس ايجنسين جي نمائندن تي مشتمل هڪ خاص ڊيسڪ قائم ڪئي وئي آهي.رپورٽ موجب ڊيسڪ ۾ پوليس، وفاقي جاچ ايجنسي (ايف آءِ اي)، رينجرز، ملٽري انٽيليجنس (ايم آءِ) ۽ انٽر سروسز انٽيليجنس (آءِ ايس آءِ) جا نمائندا شامل هوندا. خاص ڊيسڪ ٻن سالن جي عرصي لاءِ قائم ڪيو ويو آهي. ليسڪو جي چيف شاهد حيدر چيو آهي ته ڪمپني کي لائن لاسز گهٽائڻ ۽ وصولي کي بهتر بڻائي اربين رپين جو فائدو ٿيو آهي. چوري ۽ وصولي کي روڪڻ لاءِ، ڊسڪو سپورٽ يونٽ قائم ڪيو ويو آهي، جنهن کي قانون لاڳو ڪندڙ ادارن ۽ انٽيليجنس ايجنسين جي مدد حاصل هوندي.شاهد حيدر موجب، پنجاب جا شهر اوڪاڙه، شيخوپوره، ننڪانه، پاڪپتن ۽ قصور حساس علائقن ۾ شامل آهن، جڏهن ته سرڪاري کاتن کي واجبات وصول ڪرڻ لاءِ نوٽيس پڻ موڪليا ويا آهن.هن وڌيڪ چيو ته بجلي جو نظام پراڻو آهي، ان کي وڌيڪ جديد بڻائي رهيا آهيون، اسان وٽ وافر مقدار ۾ ٽرانسفارمر ۽ ميٽر آهن.ليسڪو جي سربراهه چيو ته بجلي جو نظام پراڻو آهي ۽ اهي ان کي جديد بڻائي رهيا آهن. لاهور ۾ هڪ کان ٻن مهينن ۾ 83,000 نوان ڪنيڪشن ميٽر لڳايا ويندا. هن وقت ڪمپني ۾ ڪا به سياسي مداخلت ناهي.
