اسلام آباد (بيورو رپورٽ)اڳوڻي وفاقي وزير گوهر اعجاز جو چوڻ آهي ته انشاءَ الله قوم کي جلد بجلي ۾ رليف ملندو ۽ صنعت به هلندي.هڪ بيان ۾، هن چيو ته 14 وڌيڪ آئي پي پيز سان نظرثاني ٿيل معاهدا اسان جي موقف جي فتح ۽ سچائي آهن.گوهر اعجاز جو چوڻ آهي ته هو آءِ پي پيز جي معاملي تي آرمي چيف عاصم منير ۽ وزيراعظم شهباز شريف جي ڪوششن جي تعريف ڪري ٿو.اڳوڻي وفاقي وزير وڌيڪ چيو ته سرڪاري پاور پلانٽس سان معاهدن جو به جائزو وٺڻ جي ضرورت آهي.هو اهو به چوي ٿو ته عوام جي کيسي لُٽڻ وارن جا نالا ظاهر ڪيا وڃن.
