اسلام آباد (بيورو رپورٽ) وزيراعظم جي سياسي معاملن واري صلاحڪار راڻا ثناءُ الله چيو آهي ته پي ٽي آءِ سان ڳالهيون ٻنهي پارٽين جي سهولت لاءِ ٿي سگهن ٿيون.ڳالهائيندي راڻا ثناءُ الله چيو ته سياست ۾ اختلاف ضرور هوندا آهن پر رياست جي مفادن تي اتفاق راءِ ضروري آهي. انهن کي اسان جي هر ڳالهه کي قبول ڪرڻ جي ضرورت ناهي، ۽ نه ئي اسان انهن جي هر ڳالهه کي قبول ڪنداسين. راڻا ثناءُ الله چيو ته ڳالهين ۾ اهڙيون ڳالهيون ٿي سگهن ٿيون جيڪي ٻنهي ڌرين لاءِ آسان هونديون.هڪ سوال جي جواب ۾ هن چيو ته جيڪڏهن هو پي ٽي آءِ جي باني جي آزادي جي ڳالهه ڪن ٿا ته ڇا وزيراعظم سان اها ڳالهه ٿي سگهي ٿي؟جڏهن پي ٽي آءِ جا مطالبا بليڪ اينڊ وائيٽ ۾ ايندا ته ان جو طريقيڪار به پڇنداسين ۽ پوءِ لکنداسين.راڻا ثناءُ الله چيو ته جڏهن پي ٽي آءِ جا مطالبا سامهون ايندا ته ڳالهين جي مڪمل ٿيڻ جو اندازو لڳايو ويندو، مان سمجهان ٿو ته پي ٽي آءِ جو چارٽر آف ڊيمانڊ 2 جنوري تي اچي ويندو.مدرسن جي رجسٽريشن بل جي حوالي سان وزيراعظم جي صلاحڪار وڌيڪ چيو ته مولانا فضل الرحمان چوي ٿو ته جيڪڏهن مدرسا تعليم واري وزارت وٽ هجن ته ڪو اعتراض ناهي.مدرسن جي رجسٽريشن واري معاملي جي حل لاءِ ڪوششون جاري آهن، قانوني ٽيم مدرسن جي رجسٽريشن بل جي معاملي تي غور ڪري رهي آهي.
