اسلام آباد (بيورو رپورٽ)شنگهائي تعاون تنظيم جي سربراهه اجلاس جي فول پروف سيڪيورٽي کي يقيني بڻائڻ لاءِ هڪ پلان آف ايڪشن جي منظوري ڏني وئي.اسلام آباد ۾ وفاقي گهرو وزير محسن نقوي جي صدارت هيٺ شنگهائي تعاون تنظيم جي سربراهه اجلاس جي تيارين بابت اجلاس ٿيو.اجلاس ۾ گهرو سيڪريٽري، ايڊيشنل سيڪريٽريز، چيف ڪمشنر اسلام آباد ۽ آءِ جي اسلام آباد شرڪت ڪئي.اجلاس ۾ ڊپٽي ڪمشنر، ڊپٽي ڪمانڊنٽ ايف سي، سيڪٽر ڪمانڊر پاڪستان رينجرز ۽ سيڪيورٽي ادارن جي نمائندن پڻ شرڪت ڪئي. اجلاس ۾ ايس سي او سربراهه اجلاس جي سيڪيورٽي انتظامن جو تفصيلي جائزو ورتو ويو ۽ اجلاس جي موقعي تي فول پروف سڪيورٽي کي يقيني بڻائڻ لاءِ پلان آف ايڪشن جي منظوري ڏني وئي.
