اسلام آباد: (بيورو رپورٽ) اڳوڻي وفاقي وزير فواد چوڌري جو چوڻ آهي ته پي ٽي آءِ باني مقبول ترين ليڊر آهي ۽ پي ٽي آءِ سڀ کان وڏي پارٽي آهي، ان ۾ ڪو شڪ ناهي.اسلام آباد هاءِ ڪورٽ ٻاهران ميڊيا سان ڳالهائيندي فواد چوڌري چيو ته پي ٽي آءِ ۽ تحريڪ انصاف جي باني جي مقبوليت جو ڪو به سوال ناهي.هن چيو ته وڪيل هن وقت آئيني ترميمن خلاف متحد آهن، آئيني ترميم پاڪستان جي آئين جي بنيادي ڍانچي کي تباهه ڪرڻ جي ڪوشش آهي.فواد چوڌري جو چوڻ آهي ته جيڪڏهن اها اسڪيم ڪامياب ٿي ته پاڪستان جي آئين کي ناقابل تلافي نقصان پهچندو، وڪيلن ۽ مخالف ڌر کي گڏجي ان معاملي تي اڳتي وڌڻو پوندو.اڳوڻي وفاقي وزير چيو ته اهي اسيمبليون فارم 47 جي پيداوار آهن، اهي عوام جي نمائندگي نه ٿيون ڪن، انهن اسيمبلين کي جلد يا دير سان نڪرڻو آهي، هاڻي ڇا ضروري آهي ته آئيني ترميم کي روڪيو وڃي.هنن جو اهو به چوڻ آهي ته سپريم ڪورٽ ۽ هاءِ ڪورٽ جي حڪمن تي عمل نه ڪيو پيو وڃي، آئين ۽ جمهوريت لٽي ويندي.
