ڪراچي (اسٽاف رپورٽر)ڪراچي جي راشد منهاس روڊ تي واقع شاپنگ مال ۾ لڳل باهه تي ضابطو آڻڻ لاءِ ڪوششون جاري آهن.ريسڪيو عملدارن جو چوڻ آهي ته 11 ڄڻا فوت ٿي ويا جڏهن ته هن وقت تائين 46 ماڻهن کي بچايو ويو آهي.ريسڪيو اهلڪارن جو چوڻ آهي ته دونهين ۾ دم ٿيڻ سبب 9 ڄڻا سخت متاثر ٿيا آهن جن جو اسپتال ۾ علاج ڪيو پيو وڃي.زخمين کي بيهوشي جي حالت ۾ اسپتال نيو ويو، جن کي اسپتال آندو ويو، جن 6 ڄڻن جي حالت نازڪ آهي. جناح اسپتال جي ترجمان جو چوڻ آهي ته راشد منهاس روڊ تي باهه لڳڻ سبب فوت ٿيل 7 ڄڻن جا لاش جناح اسپتال منتقل ڪيا ويا آهن.ايڌي جي ترجمان جو چوڻ آهي ته راشد منهاس روڊ تي باهه لڳڻ سبب فوت ٿيل 35 ورهين جي نوجوان جو لاش سول اسپتال پهچايو ويو آهي.ڪراچي جي راشد منهاس روڊ تي واقع شاپنگ سينٽر ۾ باهه ڇهين منزل کان چوٿين منزل تائين پکڙجي وئي، درجنين دڪان سڙي فوت ٿي ويا.فائر برگيڊ ڪنٽرول روم جو چوڻ آهي ته شاپنگ مال ۾ باهه تي ضابطو آڻڻ لاءِ فائر برگيڊ جون 12 گاڏيون ڪم ڪري رهيون آهن، جڏهن ته 50 فائر فائٽر ۽ 2 اسنارڪلر موقعي تي موجود آهن.ڪنٽرول روم جو چوڻ آهي ته فائر برگيڊ تائين پاڻي پهچائڻ لاءِ ٻه بائونسر به مصروف آهن، باهه تي حد تائين قابو ڪيو ويو آهي، هڪ منزل تي کولنگ جو عمل به جاري آهي.فائر برگيڊ عملدارن موجب پلازه ۾ وڌيڪ ماڻهن جي دٻجڻ جو خدشو آهي، دونهين سبب باهه وسائڻ مشڪل آهي.اختيارين جو چوڻ آهي ته باهه لڳڻ جو سبب اڃا تائين معلوم نه ٿي سگهيو آهي. ٻئي طرف سنڌ جي نگران وڏي وزير جي ترجمان جو چوڻ آهي ته جسٽس (ر) مقبول باقر شاپنگ سينٽر ۾ باهه لڳڻ جو نوٽيس ورتو آهي. ترجمان جو چوڻ آهي ته سنڌ جي نگران وڏي وزير 8 ڄڻن جي فوت ٿيڻ تي گهري ڏک جو اظهار ڪندي ڪمشنر ڪراچي کي هدايت ڪئي آهي ته هو ڦاٿل ماڻهن کي بحفاظت بازياب ڪرائين.جسٽس (ر) مقبول باقر جو چوڻ آهي ته باهه تي ضابطو آڻڻ لاءِ فوري قدم کنيا وڃن، وڌيڪ نقصان کان بچڻ جي ڪوشش ڪئي وڃي، عوام جي جان ۽ مال جي ذميواري حڪومت جي آهي، زخمين کي فوري طبي امداد ڏني وڃي.
