گڊو(ويب ڊيسڪ)گڊو ٿرمل پاور پلانٽ جي سوئچ يارڊ ۾ فني خرابي سبب باهه لڳي 48 ڪلاڪن کانپوءِ به بريڪر جي مرمت نه ٿي سگهي.گڊو ٿرمل پاور هائوس ذريعن موجب نئون بريڪر لڳائڻ ۾ 15 ڏينهن لڳي سگهن ٿا.پاور هائوس اختيارين جو چوڻ آهي ته تيز ڪوهيڙي سبب متبادل هاءِ ٽرانسميشن لائين به ٽريپ ٿي وئي.مٿين متبادل هاءِ ٽرانسميشن لائين ٽريپ ٿيڻ سبب سنڌ، پنجاب ۽ بلوچستان جي مختلف علائقن ۾ 5 ڪلاڪن کان بجلي جي فراهمي معطل آهي.گڊو ٿرمل پاور هائوس جي عملدارن جو چوڻ آهي ته سج لهڻ تائين متبادل هاءِ ٽرانسميشن لائين تان بجلي بحال ڪرڻ مشڪل آهي.
