ڪراچي (اسٽاف رپورٽر)پاڪستان رينجرز سنڌ جي ٽيمن ڪراچي جي مختلف علائقن ۾ پاڻي چورن خلاف ڪارروائي ڪندي 69 واٽر ٽينڪر هٿ ڪري ورتا.سنڌ رينجرز جي ترجمان موجب ڪراچي جي علائقي ايوب ڳوٺ، پختون آباد، فردوس ڪالوني، ناظم آباد، منگھو پير، جمشيد ڪوارٽر ۽ قيوم آباد ۾ غير قانوني هائيڊرنٽس خلاف گرينڊ آپريشن ڪيو ويو.هن چيو ته ڪشمير هائيڊرنٽس ۽ شيڪر هائيڊرنٽس سميت 11 غير قانوني هائيڊرنٽس خلاف آپريشن ڪيو ويو، آپريشن دوران 69 واٽر ٽينڪرز به قبضي ۾ ڪيا ويا.ترجمان جو چوڻ آهي ته ڪارروائي دوران 25 واٽر پمپ، 12 جنريٽر، پائپ، بجلي جون تارون ۽ ٻيو چوري جو سامان هٿ ڪيو ويو آهي، جڏهن ته 75 جوابدارن کي حراست ۾ ورتو ويو آهي.ترجمان موجب پاڪستان رينجرز سنڌ غير قانوني هائيڊرنٽس جي مڪمل خاتمي تائين ڪارروايون جاري رکندي.
